2:05 ص
media yahya
كتب الاعلامي / يحيي اللقاني
زووم احساس
هو ديوان عامي شعر متنوع للشاعرة المتألقة في سماء الإسكندرية
مروة
الشناوي
ومكون من 36 قصيدة وفصل همسات شعرية و30 همسة
والديوان به قصيدة
"ليل الذكريات"
الحاصلة علي مركز
الاول علي مستوي الجمهورية
بمسابقة وزارة الشباب والرياضة
"ليل الذكريات"
بفتكر كل اللي فات
صوت وصورة " شريط حزين "
ألف كلمة في الأجندة
دبلة فضة
لسه أسمك جوا منها
قلب وردة والغريبة
إنه نابض للنهار ده
شفت شارع .. شفت حارة
شفت غيمة محملة حبة مطر
شفت إيدنا مشبكة جنب الشجر
والقمر
القمر كان لينا حارس
والصحاب ... حبة نوارس
يومها إحساسي أختلف
قلبي بالألحان عزف
ألف لحن
كل لحن بألف حلم
والأهم
كل حلم وجوا منه
نفس إحساس الدفا
رغم حبات الشتا
ورقة تانية في الأجندة
التقيتك برده آنت
بس ماسك وردة تانية
واكتشفت
إن قلبك زي نحلة
ينتشي من كل وردة
يا أناني
عقربك لازم يعدي
فوق حدود كل الثواني
ورقة تانية ف الأجندة
قصدي تالتة
ولا خامسة ولا سادسة
كله فاضي
عقلي فاضي
حكم واحد بس ضدك
عقلي رافضك
وإلتفت لاقيتني برده
لسه لابسة دبلة فضة
لسه بلمح في الأجندة
قلب وردة والغريبة
إنه نابض للنهارده
جدير بالذكر ان الديوان صادرعن دار أكتب للنشروالتوزيع
يحيي هاشم مدير دار اكتب
وتصميم غلاف احمد فرج
وحفل توقيع زووم إحساس يوم الجمعة 2 فبراير
2018 م ،
في تمام الخامسة مساء، بصالة “3”، بمعرض القاهرة الدولي للكتاب ...
والشاعرة مروة الشناوي
مدير عام المؤسسة المصرية احدي شركات
الاكحل جروب ..
واستشاري علاقات اسرية وتربوية ...
وباحثة فـ مجال الصحة النفسية كلية
تربية،
وقدمت كثير من البرامج التليفزيونية في مجال الاستشارات الأسرية
والثقافية
وكثير من الأمسيات والندوات الشعرية
ونتمنى للشاعرة كل توفيق وازدهار.
لـــــــــ
Posted in
0 التعليقات
